| | ||
| | | |
| |||||||
| الصياده القصص والروايات لجميع القصص والروايات الطويله والقصيره والمسلسله |
« آخر المشـاركـات»
 |
| | أدوات الموضوع | إبحث في الموضوع | انواع عرض الموضوع |
03-27-2007, 09:35 PM
| رقم المشاركة : 1 | |
|  ديوانية الراوي (قصة وقصيده شعبيه )
بداية القصه عن وحده من اهل المنطقه الشماليه كانت بدويه تسرح عند إبل اهلها وتقابل لها واحد دايما وتحبه ويحبها حب عفيف وكان يخطط على خطبتها بس العايق الوحيد ان واحد من عيال عمها محجرها وحالف ان قرنها الاشقر ما يلتوي الا على يمينه وذا اللي يحبها مهوب من جماعتها وفي يوم من الايام يوم رجعت من البل لقت في جنب بيتهم ( بيت الشعر ) بيت جديد مبني سألت امها عن البيت من هو له قالت لها امها ان ذا بيتها هي وهباس ( اسم ولد عمها ) قالت لأمها انها تحب واحد وحالفه انها ما تزوج الا هو قالت امها هباس في بيت ابوه روحي واطلبيه يفك حجريكي وتعوذي منه يمكن يفك حباكي . راحت له البنت ولقت عنده رجال ودخلت عليهم وقالت اني طالبتك بوجيه الرجال اللي عندك انك تتركني في سبيلي" ما ابيك " ضحك وقال انا قايل ان ها القرن الاشقر والله ما يلتوي الا على ذراعي حيه والا ميته . رجعت للبيت وجهزت السم وراحت به لأمها وقالت لها اللي صار معه وقالت انا حالفه انه ما ياخذني وانا اسلم عليكم وشربت السم . مااااااااتتتتتتتتتت  هباس ولد عم البنت قبل ما يدفنونها طلع قرنها ولواه على يمينه وهي ميته ومن شدة الفقر ما كفنوها وادفنوها بملابسها وقال يميني ووفيت به أهلها ما لقوا احد يسرح عند ابلهم واستأجروا واحد من عيال جيرانهم يسرح عند البل وكان الولد صغير سن . حبيبها صار يترددعلى ابلها ويلقى الولد سأل ولد وين البنت اللي كانت تسرح عند البل سأله الولد ليه تسال قال لاني مضيع لي ابل ويذكرون ان فيه بنت جتها الابل وطردها وابي أسألها عنها وين طردتها قال الولد البنت يقولون انها شربت سم وماتت ما صدق قال في نفسه أكيد ان احد شافني معها وردوها لا تسرح وقالوا للولد إذا سأل عنها احد قل انها شربت سم وماتت قال احسن لي ارسل قصيده لواحد من ربعها اللي امون عليهم واسأله وش صار بالضبط قال يا ولد تعرف واحد اسمه منير قال الولد أعرفه قال انا بعطيك رساله وصها له واذا قراها وحصل البل بيرسها لي قال الولد هاتها استلم منير الرساله الا هويقول فيها يا منير ما جاكم عن الترف ذكار صحيح وان صخيف الروح غادي صحيح والا طنبلـة علـم قمـار او جا عنه راع العلوم الوكـادي وكنك ضربت الكبد نطحٍ بمسمار من يوم قيل الموت للترف صادي وانس على كبد كما حر مخطـار شي جرا جاللبـلا مـن فـوادي ودك لوالدنيا تصنـت للاشـوار والموت ياتي لـه نذيـرٍ ينـادي يوم قرا منير القصيده ما كان يدري عن اللي ارسل له من كان يحب بس قال اكيد ان اخر من مات اللي شربت السم وانه كان يقصدها ورد عليه يقول صحيح ماهي طنبلـة علـم قمـار وانا عنـه راع العلـوم الوكـادي دنياك هذي ما تصنـت للاشـوا ر تضرب على مشهات نفسه عنـادي لوشاورتنا كان ما حق مـا صـار نفدي بناسٍ عـن ظبـي الحمـادي ياحيف ياعضودٍ كما وصف جمار يودعهـن القبـر المهبـا سمـادي ونهود حدر الجيب غضات الاثمار والدود ياكـل مغتـرات الثنـادي وشقرٍ ضفرهن طولهن خمسة اشبار يعبا لهن غير الرشـوش الزبـادي وياحيف ياهبـاس للتـرف قبـار هبس قرونه عقب ما هـن بعـادي وسلامتكم  | |
|
|  |
|
| مواقع النشر (المفضلة) |
| الكلمات الدلالية (Tags) |
| الراوي, ديوانية, شعبيه, وقصيده |
| أدوات الموضوع | إبحث في الموضوع |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| نزار بلقيس الراوى | عاشق صيد | الصياده همس القوافي | 2 | 11-04-2008 07:32 AM |
| المشروع الصيادى الرائد لزراعه الطلح يحالفه النجاح ولله الحمد ( صور ) | مطمر الجدران | الصياده الحياة الفطرية | 10 | 11-02-2008 07:28 PM |
| أمثال شعبيه من التراث القطري | imported_ال جعفر | الصياده القصص والروايات | 3 | 12-08-2007 04:06 PM |
| ديوانية الراوي (قصة وقصيده شعبيه ) | اسلام رفعت | الصياده القصص والروايات | 2 | 11-01-2007 07:12 PM |
| اكلات شعبيه سعوديه جنوبيه | مهاجر | الصياده الطبخ البري | 1 | 09-25-2007 09:12 AM |
 |
العرض العادي
