الموضوع: رحلتنا الاولى من مرسى الفناتير

لندخل بالموضوع على طول

كنا متوقعين ان الرحله ماتكون جيده والسبب العدد الزايد اللي كان على ظهر القارب

لكن كونها اول رحله قلنا خليها تكون تجربه وتكون دراسه لمعرفة المطلوب وتلافي الاخطاء في الرحلات الجايه

المهم مااطول عليكم

كانت طلعتنا من مرسى القوارب بالفناتير بالجبيل يوم الخميس 2 رجب وذلك بعد عدة اتصالات مع اصحاب القوارب اللي حصلنا على

ارقامهم ووفقنا ربي مع الحبيب بوراشداللي ماقصر معانا وتحمل فلة الشباب اللي مالها حد
نبتدي مع اول صوره
الشباب واقفين يناظرون البحر وكل يقول (ندش ....ولا ماندش)يعني بالعربي الفصيح(ندخل ولا ماندخل)

لكن من شافوا فزة الكابتن بوراشد وشلونه متحمس قالوا وراك وراك يابحر


وقاموا يحملون الاغراض على البوت واوووووووه اووووه يامااااال ياماااااااااااال .......هييييييييييييييييييه
عاشوا


وهذا محدثكم يضحك تدرون ليه مو عارف يطلع على القارب الا بطلعة الروح صحيح الطول عز



من تحرك القارب بدو الشباب في تجهيز العده واللي يناظر البحر ويتابع وين وجهتنا بالضبط



ومن وصلنا لموقع الحداق المحدد من قبل الكابتن بوراشد
رمى الصياد الصغير طعمه
هذا بو حمود وهو ينتظر اول الخير




مشكلتنا انو من بدى الصيد والكاميرا على جنب
مافي متبرع يمسك التصوير الكل يبي يترزق الله من هالخير
ولكن هذي صورة وقت استراحة المحاربين مع الظلمه



واختصارا للموضوع نعطيكم اول مارجعنا للمعسكر بالاستراحه
هذي صورة العم بو سجاد تبين اكبرالاحجام اللي كانت من نصيبه



وهذا محدثكم مع مجمل الصيد اللي الله رزقنا فيه
(طبعا بعد الدش السريع اللي اخذته ابتعادا عن الزفره)






وهذي صوره عامه للصيد لتعلمون الانواع والعدد والاحجام



دمتم في رعاية الله
والى لقاء في تقارير قادمه
منقووووووووول