صفحة 3 من 3 الأولىالأولى 123
النتائج 21 إلى 23 من 23

الموضوع: موسوعة فى انواع الطعم

  1. #21
    Array
    تاريخ التسجيل
    Mar 2011
    المشاركات
    68
    معدل تقييم المستوى
    70

    افتراضي تــــــــــــــــابع

    و يمكنك اصطياد الأسماك التي تصاد بطريقة الجر بالتوشيح ليلا أو نهارا بسمكة حية من نوع البونجز أو العيدة والتي تضرب عليها التونة والدراك والبراكودا وجرم البياض أو الناجل ( في النهار فقط ) علي أعماق مختلفة من السطح مع التحكم في ذلك بوضع رصاصة من النوع المزود بحلقة بحيث يتناسب حجمها مع العمق المطلوب الوصول إليه وشدة التيار ( المد ) مع ملاحظة حساب طول الخيط الموشح بحيث لا يصل أبدا إلي القاع في حالة عدم وجود تيار , ويمكن أيضا استعمال الكالفناني أو البلاميطة المدككة ( في حدود 1 كجم ) لصيد الأسماك السابقة بالإضافة لبعض أسماك القاع في حالة اقتراب الطعم من القاع – كالتوين والبهار – ويفضل لصيد هذه الأسماك أن تكون التوشيح في الصباح الباكر أو قبل الغروب 0
    القاروص :
    يكثر فى شهر 5 و 6 10 و 11 ويتم صيده وقت شروق الشمس ووقت الغروب بالحناش الحيه أو البرغوت الحي العادي يتم شكه من ديله فقط وبيجرو بيه بدنجل صغير بمجاديف في الميناء الشرقي الصبح بدري وبياخدو منه حتت حلوه أما الحناش فبتكون بالترقيد وعامة يكثر في المواني والمياه الدافئه والسلاح المناسب له هو 2 أو 3 أو حسب حجم السمكه و القاروص ممكن تلاقيه عند البوغاز بتاع أي مينا وفي المياه الدافئه زي الميناء الشرقي وميناء جليم وميناء رأس التين والمعديه ومنطقة الطرح وهي من أشهر أماكن تواجده هو ونوع أخر يسمي النقط وهو سمكه قريبه جداً من القاروص في الشكل والطعم بس أصغر من القاروص .
    و بالنسبة لصيد القاروص لازم جمبري صاحي وطريقة وضع الجمبري في السنارة كما يلي :
    الجمبري له خياشيم بجوار الرأس على الحانبين ادخل السنارة في احد الخيشومين ولن نموت اما وضع السنارة بين ال****ن فهذا خطأ
    الطريقة السهلة هي وضع السنارة في آخر ذيل الجمبرايه
    و بالنسبه لصيد القاروص و اللوت مختلف تماما عن صيد الدنيس
    اولا لابد من سلاحين (الارمه ) يكونوا كبار في حدود متر او اكثر والقاروص بيكون ما بين المايتين اي قريب من سطح البحر و ليس علي الارض وافضل طعم للقاروص او اللوت
    1- الشطناره الحيه
    2- النطاط الحي
    ويدكك كلاهما من ذيله في السن مع مرعاه **ر الشوكه الاماميه لكل من الشطناره و النطاط حتي لا يدافع الطعم عن نفسه
    الطعم المستخدم فى صيد الاسماك الوقاريه ( من الوقار )
    هى بتعيش بين الصخور و الشعب المرجانيه و ليها ثلاثه طرق للصيد :
    1- بالتسقيط بالطعم الميت بس تكون الطعمايه حته كبيره على سن كبير من الماكريل او الكالفنانى و ياريت معاها سردينه من ****ها و ت**ر السردينه من وسطها و تلفه شويه على اساس لما الكزشر او الشريفه بتضرب على الطعم او مره مش بتبلع فهى بتشد نصف السردينه و على طول تلاقيها اتهبلت وراحت هابشه النصف التانى من عند راسها فيتم اصطيادها على طول
    و ديه طريقه مجربه على الاحجام المتوسطه
    2- التسقيط بالطعم الصاحى و اهمهم سمكه البربونى ( العنبرى )
    وديه تخليك تصطاد شويه نواجل على كيفك انت اشبك السمكه من ****ها او من اخر ديلها حسب ما تحب و نزلها الميه فى منطقه شعب و اول ما تحس ان السمكه وصلت الارض اتطلع بيها 2 متر
    3- الجر و ده للنواجل الكبيره
    و احسن حاجه ليه السبحه و يكون الطعم سمك طبيعى
    الدنيس :
    في الشتاء من أول شهر 10 والطعم المفضل له السردين المملح والعقر الحي ويفضل في صيده أستخدام رصاصه صغيره حره وسلاح واحد أو أتنين بالكتير والسلاح المناسب له هو 5 كفته أو حسب حجم السمكه و الاماكن المشهورة لصيد الدنيس فى الصيف المناطق الصخرية عامة والتى يوجد بها حصى ورمل خشن : ابوقير ـ نادى الصيد المصرى ـ الميناء الشرقى وبالتحديد من السلسلة حتى فندق سيسل بمحطة الرمل ـ رصيف الارمشاه ـ الم** ـ الشيرو ـ الدخيلة,
    الأماكن المشهورة لصيد الدنيس فى الشتاء:
    من ابو تلات حتى مرسى مطروح حيث ان الدنيس يتأثر بالبرد الشديد فهذة المناطق يوجد بها أعشاب دافئة وبها الغذاء المناسب له مثل الكوكرة ( صرصور البحر ) والطحالب .
    الأدوات اللازمة لصيد الدنيس :
    ماكينة او بوصة يد الشعر من رقم40 الى 45 والسنار من رقم 3 الى رقم 6 او يابانى من 14 الى 16 رصاص بلح صغير لعدم الأزعاج
    طريقة الربط :
    بما ان الدنيس موجود فى قاع البحر يربط السنار اسفل الرصاصة وتكون الرصاصة دائما حرة
    الطعم فى الصيف:
    النطاط ـ الجلاجلة ـ الجراية ـ سرطان البحر الصيفى للدنيس الموجود على الصخور والطعم الطازج الجامد عامة حرصاَ من تدخل السمك الرفيع
    الطعم فى الشتاء :
    جمبرى العقر او البلنص ـ الجندفلى ـ الديدان ـ شرائح البلاميطة ـ لانه فى الشتاء يحدث للسمكة اعياء فيحتاج الى الطعم الطرى
    احسن طعم للدنيس الجرايات(كبوريا صغيره بس للاسف ليها موسم, فى غير الموسم متلايهاش في السوق ) و العقر و يسلام لو متملح كويس. بس زى ما قلتلك طعم الدنيس بيختلف مع اختلاف المكان .

    الشعور :
    هناك أنواع من الطعم
    السبيط - السردين - الباغ

    الغزيله :
    اولا استخدم سبحه من 6 الي 7 سنون مقاس 7 بكرش
    علي خيط ترميل 30 واهم شيء تكون الرصاصه الي انت حططها تكون ثقيله وتسيب ونت نازل للاخر لحد متقف وتسيب الخيط مبوش شويه صغيره يعني لبلوب البوصه يدوبك يكون مفرود لان العمق عالي والضرب ضعيف فلو اللبلوب متني هيبقي الخيط مشدود اوي مش هتحس بالضرب وكمان لازم تركب 2 مدور واحد بين الرصاصه واول سلاح والثاني بين اخر سلاح وخيط الماكينه وكل متحس بضربه ترد عليها رده جمده ومترفعش تستني الضربه الثانيه والاثالثه لحد متملي السبحه وانت ورزقك وانت بترفع مترفعش بسرعه اوي يعني رفع معقول
    خللى بالك اول سنارة فى السبحه( الرمال طول 20 سم ويبعد عن الرصاصه 20سم (
    يعنى تقريبا على الارض لانه بياكل وكذلك وجوده على الارض الرملية - طعم برغوت - ودودة اسماعلاوى
    اللوت :
    احسن طعم هو النطاط الصاحي و هو ملائم لجميع الاسماك و كذلك دود البحر (و هو غير دود الارض)
    اما بالنسبة للدنيس و الشراغيش الكبيرة فالجرايات (و هى نوع من الكابوريا الصغيرة جدا أو الكوكارا أو صرصار البحر) ممتازين ، و ستجد مثل هذا الطعم في حلقة السمك او المنشية و لكن لازم تروح بدري جدا

    <<<يتبع

  2. #22
    Array
    تاريخ التسجيل
    Mar 2011
    المشاركات
    68
    معدل تقييم المستوى
    70

    افتراضي

    سمكة القشر بياض :
    من الأسماك المهاجمة أي أنها مثل الأسد فهى لا تأكل الأسماك المـيتة أو المعـيـبة أو الـمر يضة فهى تأكل السمك الحي فقط و بصحة جيدة جدا لكى تستهويها و تقوم بمهاجمتها وهى حية .
    و أنواع الأسماك الحية التى يفضلها سمك القشر بياض
    1- سمك البوري .
    2- سمكة الراي وهى موجودة فى وادي الريان .
    3- سمك القراقير أو القرقور .
    4- سمكة البلطى (الشر ).
    و يجب أن تكون هذة الأسماك من الحجم الصغير لأن السمكة الكبيرة لا تستهويها سمكة القشر بياض المعقولة الوزن ويتحدد ذلك على حجم السمكة المتوقعة من مكان الصيد .

    طرق لصيد الاخطابوط
    و هيا انك تجيب 3 او 4 سمكات و تربطهم مع بعض زى حزمة الجرجير و معاهم رصاص تقيل و تنزلهم الميه لغاية ما يوصلو اللى القاع و تسيب الشعر و تخليه يجرجر على الارض و تجس كل شويه تقل الرصاص الاخطابوط هيدخل ي***ش فى السمك تبداء ترفع بهدوء لغاية وش الميه و كون معاك ملقاف تطلعه بيه لان الاخطابوط لو طلع و شم الهواء هيسيب السمك و يهرب. دى طريقة صيد الاخطابوط المستعمله من قبل كل الصيادين من على المراكب

    مع اماكن الصيد
    راس سدر:
    الطعم (الجمبري الطازه والباغه او بيسموها ابو شوكه ) حاول تشتغل بجمبري الاول و الباغه المتقطعه شرائح ممتازة و خد بالك راس سدر فيها سمك جامد يعني ممكن يدخل عليك سمكه حلوه في اي وقت من اليوم ده معناه ان الخيط اللي علي الماكنه بتاعتك لا يقل عن 60 والرمال برضه خليه 60 والسنار يكون بين 1 و01 علشان انا في راس سدر راح مني وحوش وقطعت الخيوط وبوظتلي ماكنه بان** 5000 وخد بالك ممكن تمنع منك يعني السمك علي ما يشتغل ممكن ياخد وقت ما تزهقش علشان ساعه ما بيحضر قابل وكن مستعد وان شاء الله اكتر انواع السمك الموجود هناك الحفار الابيض والنفار والقراض ولازم تاخد معاك وش (و*** سن 01 علشان القراض علشان هوه كتير هناك
    والطعم المستخدم هو :
    (سبيط –ماكريل- جمبري-سردين)
    السبيط و الجمبرى هم اكثر الطعوم شيوعا فى راس سدر
    اما عن السمك مفيش نوعية محددة فى راس سدر
    وانواع السمك الموجوده هناك
    النقط – الشخرم - الخنزيره البلدى وسعات بلاط - الحفار الكوشر
    الكحايات – الحريد – البنجز- الدرينى – القراض – الباغه -
    ممكن على الجر
    تاخد دراك او حصاناو تونه او بلاميطه
    الجمبرى لكل الانواع التى تم ذكرها
    وممكن كلفنانى وتقطع حتت صغيره
    اما ان وجد الكوشر يبقى سنار كبير شويه وتحط عليه باغه او ماكريل وربنا يرزقكك يا باشا
    على فكره مصارين الفراخ بتشتغل مع السمك الصغير حلو قوى هات شويه وملحهم على جرنال
    و لو عايز تجر روح عند بتاع اداوات الصيد وقله عايز رابيلا ا** راب ريد هيد او ماجنم سيلفر ده حلوه قوى للدراك وتكون


    الزعفرانة :
    اغلب الوقت بتكون هوا بس طبعا احيانا بيكون الجو كويس و الطعم باغة و سردين و كالفنانى (للشعور و الكشر) و جمبرى للسمك الصغير
    بس طبعا الموضوع كله محتاج ريس كويس بالنسبة للشعر طبعا لو معاك ريس كويس حتحتاج شعر 70 و 90 و صنانير الشعور و الكشر و التواين انما لو معاك ريس من أياهم يبقى شعر 40 و صنانير صغيرة .

    الطعوم في الكونيسة عبارة عن :
    1- و بالنسبة للكالفنانى للكونيسة فهو ضعيف بالنسبة للطعوم السابقة و بالطبع الجميع يفضله نظراً لقوته على السن مما يقلل المجهود و يوفر الوقت و لكنه ييعتبر طعماً غريباً بعض الشىء على السمك هناك نظراً لأنها ليست أرضه وهذا لايمنع أن السمك قد يدخل عليه إذا كان جائعاً و لكن بنسبة أقل من الطعوم المزكورة
    2- السردين او الباغه وذلك للتشويح ويفضل الطازج وثم المالح وهذا مع اعلى مد
    3- الماكريل و هو الطعم ممتاز نظراً لزفارته الشديدة و يمكن أستخدامه كاملاً أو مقطع
    4- الجمبرى المدعو فى السويس (العقر) ويمكن الاستغناء عنه واحد كيلو لثلاث افراد و إن لم يكن صابحاً فى نفس اليوم فيستحسن تقشيره و تمليحه
    4- أحرصوا دائماً على النزول ببونجز من نفس الأرض فهو أفضل الطعوم بلا منافس للأسماك الكبيرة و تعبان الموارى هناك
    و يفضل عمل علفة من مجموعة طعوم يعنى ممكن جمبرى على ماكريل على سردين و من الممكن إضافة السبيط أو الكالفنانى فى حالة وجوده و ذلك على سن كبير و لكن مفتاح الكنز هو الماكريل

    <<<يتبع





  3. #23
    Array
    تاريخ التسجيل
    Mar 2011
    المشاركات
    68
    معدل تقييم المستوى
    70

    افتراضي تــــــــــــــــابع

    أحسن طعم شغال في الإسكندرية :
    نطاط (جمبري صاحي) وثعبان علشان للوط وقاروص
    برغوته (جبري صغير) شراغيش و حفار ميرمار
    دود إسمعلاوي للقاروص
    العجين بسكر : للبوري
    احسن طعم على الاطلاق في حدود خبرتي وخبرة عمالة الصيد وخصوصا للشراغيش هو الطعم الدول الا وهو مصارين الفراخ
    ثانيا : السبيط حلو للشراغيش بسنارتين وسن 6 وقطع سبيط على اد السن

    الجمبرى من افضل الطعوم للمتوسط و معظم السمك بياكل عليه الدنيس و الشراغيش و الميرمار و البطاطا اما اللوت و القاروص عايزين الجمبرى حى
    الدود الأسماعلاوى بيدخل عليه برضه معظم الأنواع السابقه
    السبيط حلو جدا مع اللوت و خاصة المقاس الصغير و تطعم بيها كلها و كذلك مع الوقار
    احسن طعم للقروص النطاط الصاحى , و على فكره الدنيس برضو بيشتغل على نطاط بس بشرط تكون المكان البتصطاد منه فى نطاط من الاساس, غير كده السمكه لا يدخل علية.
    احسن طعم للمرمار الدود الأسماعلاوى و دود قراص.
    اما البرغوت فا ده اساسى لازم يكون معاك كل مره تصطاد . معظم انواع الاسماك متوسطه الحجم بتشتغل عليه

    طعم التسقيط بالاسكندرية :
    اما الطعم الاساسى فى التسقيط فهو البرغوث و ده كل السمك بيدخل عليه و كمان العقر بيجيب سمك حلو و سعات النطاط بيشتغل كويس
    و بالنسبه للجر الرابلات مبتشتغلش كويس زى المعالق و ده علشان نوع السمك الموجود الكبريت و الدراك
    و بالنسبه للاعماق فى بحرى و ميامى ممكن المركب تقف على مكان 10 متر و ممكن 50 و ممكن 100 على حسب المسافه اللى بيمشيها المراكبى و الارض اللى هنقف عليها.
    بالنسبه لموضوع البرغوث فدا تقريبا الطعم الوطنى اللى السمك متعود عليه

    أسباب تمنع السمك عن اكل اطعم
    اسباب عدم اكل السمك للطعم :
    يعني مثلا القاروص بنشوفه بينط في الميه ومع كده ترميله الطعم وهو لا يدخل على الطعم
    كذلك الحال بالنسبة للبلطي والاسماك الاخري
    فهل يا ترى السمك شبعان ونفسه مسدوده ؟ ام ان هناك اسباب اخري بالنسبة لموضوع سلوك الأسماك فده شىء غير مفهوم إلى الآن و لا يوجد أثبات علمى لأى سلوك و لكنها أجتهادات بشرية
    و كل الأبحاث و الدراسات اللى بتتعمل عن سلوك الكائنات البحرية ما هى غير إجتهادات معرضة للتغير و نسف نظرياتها بصورة كاملة و ده من خلال آراء أكبر علماء البحار فى العالم مثل دكتور جوهر رحمه الله و هو واحد من أكبر ستة علماء بحار فى العالم و لا يعتمد بحث و نظرية جديدة فى العالم وقتها إلا بوجود هؤلاء الستة و عند سؤاله أيضاً هل تعرف جميع أنواع الكائنات فى البحار ؟ رد بتواضع و لا نحلم أن نلم المام كامل بفصيلة واحدة!
    و البحر أسرارة كبيرة جداً و لا يوجد بشرى أستطاع أن يعرف أو يرى ما بعد عمق قد لا يتجاوز 1/15 من أعماق البحر و ما يوجد تحت هذا العمق أو ما يحدث فيه غامض تماماً و كيف لمخلوق من لحم وودم لا يتعدى كف اليد أن يحتمل ضغط قد يصل إلى آلاف الكيلو جرامات فوقه .
    فهناك من يقول أسباب التمنيع هى تعامد الشمس و هناك من يقول خروج الجان من مساكنهم و هناك من يقول فترة تزاوج و إلى آخره و كل هذا لا إثبات علمى له إلى الآن .
    و عند محاولة دراسة سلوك الكائنات البحرية فى أحواض وجد أن سلوكها قد أختلف عن بيئتها الطبيعية و بذلك لا يمكن الحكم عن البحار المفتوحة .
    بعض الاجتهادات :
    1- العوامل الجويه :
    - درجه حراره الجو تؤثر علي القوي الغذائيه للسمك مثلها مثل الانسان حيث في الجو الحار كميه الاكل تقل عن الشتاء (يقول عليها الصيادين السمكه مانفه) .
    - سرعه الرياح و التيارات البحريه تتاثر بها كالرياح الشماليه او الغربيه او الجنوبيه او رياح بحريه و افضل اوقات الصيد في اوقات الرياح البحريه الخفيفه .
    - بالنسبه لرؤيه السمك و لم ياكل الطعم يعني هذا (المياه صافيه او رايقه ) فمثل رؤيتك للسمكه فهي تراك و تري الانعكاس في الماء وبالتالي تبقي قلوقه و لا تاكل .
    - ظهور الطحالب و الخضره و الديدان الموجوده بالاماكن الوعره مع وجود الجمبري ( بروتين حي ) افضل للسمك اكلا من الطعم الخارجي مثل الجمبري او دودو الارض او الريم او القراص او الاسمعلاوي المجلوب من مكان اخر .
    2- عمليه التبويض :
    - وقت وضع السمكه للبيض فهي لا تاكل ويراها الذين يصطادون السمك البلطي في المناطق الضحله انها تخرج الطعم خارج صحنها
    3- نوعيه الطعم :
    - لابد ان يكون الطعم ملائم المكان و نوع السمك اي بمعني تصطاد دنيس علي سبيل المثال لابد ان يكون الطعم جمبري نطاط حي او جرايات صغيره او خضراء وعند اصطياد قاروص يصطاد بجمبري شطناره والبلطي بجمبري نيليي
    4- السنار و الخيط :
    - حجم السناره يتناسب مع حجم فم السمكه و نوعيه الطعم و نوع السنار و الخيط يتناسب مع مكان وجود السمكه اي بمعني علي عمق او ما بين ميتين او علي السطح
    5- مكان الصيد :
    - اختيار المكان المناسب لعمليه الصيد بحيث تتوفر فيه الظروف الملائمه لعمليه الصيد حيث لا يوجد مؤثرات صوتيه مزعجه او ضوئيه مؤثره لعدم اضطراب السمك (حاله عدم اضطراب)

    بس انا عاوز اعقب بخصوص درجة الحراره, بعض الأنواع على الأقل بتأكل أكتر عند أرتفاع درجة الحراره نتيجة زيادة النشاط اللى بيتطلب طاقة أكتر و كذلك نتيجه لأرتفاع سرعة الهضم مع الأخذ فى الأعتبار أن الأسماك من ذوات الدم البارد مش زى الأنسان اللى لازم يأكل أكثر علشان محتاج طاقه للحفاظ على ثبات درجة حرارته فى الجو البارد.
    و كثير من الأسماك يمتنع عن الطعام عند أنخفاض الحراره و كثير يحدث له عسر هضم عند الأكل فى الجو البارد
    ممكن تجتمع بعض العوامل مع بعض فى التاثير فى اقبال السمك على الطعم وليس شرط عامل واحد من العوامل السابق ذكرها

    و فى الختام بعتزر على طول الموضوع ولكن احببت ان اضيف موضوع مميز و شامل لانواع الطعم يجمع معظم ما ذكر من الطعم دون سابق لهذا الموضوع
    واتمنا افادة اكبر عدد ممكن من الاعضاء و الله الموفق





صفحة 3 من 3 الأولىالأولى 123

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. الطعم الصناعي
    بواسطة كيندا في المنتدى الصيد البحري
    مشاركات: 5
    آخر مشاركة: 05-11-2009, 01:29 AM
  2. العدة الطعم
    بواسطة كيندا في المنتدى الصيد البحري
    مشاركات: 8
    آخر مشاركة: 10-26-2008, 04:45 PM
  3. الطعم خداق
    بواسطة كيندا في المنتدى الصيد البحري
    مشاركات: 4
    آخر مشاركة: 10-24-2008, 09:23 AM
  4. الطعم: ميد + خثاق
    بواسطة كيندا في المنتدى الصيد البحري
    مشاركات: 8
    آخر مشاركة: 10-24-2008, 09:18 AM
  5. الطعم:خثاق
    بواسطة كيندا في المنتدى الصيد البحري
    مشاركات: 8
    آخر مشاركة: 10-24-2008, 09:10 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •